L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Enseiucarrean aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Enseiucarrean-5 (1990-negua) —Hurrengo artikulua




 

 

Oihartzun itogarriak

 

Iturrimiti

 

         Aspaldian legez, zelan ez,

Iturri borbortiaren kantu eternalak

Berriro eta behin ditu mailukatzen

Bidexkaren txintxar lotiak.

 

Mendeetako lotaldiaren gozotasunean

Eskubidezko amets magalak

Babestutako paradisu lurrinduan

Zorabiaturik dira oihartzun zitalak.

 

Lagunari bihotzez emandako txanponari

Gortu zaizkio ohizko txin-txin hotsak

Orroaka amildegiruntz artez

Ikuiluko behor deslaiak.

 

Ontsuko sargoriatik ihesika

Bidalduten digun ifarreko mendiak

Haixe goiztiarraren freskotasunaren zai

Irekita eskaratzeko ate biak.

 

Erromesa belauniko bomitoka

Ezin burutu dabilenak

Ahaleginaren ahaleginaz

Ote dira azken urratsak.

 



Literatur Aldizkarien Gordailua Susa argitaletxearen egitasmoa da.