Ilbeltza-Otsailla. 1-2' garren zenbakiak)'>


L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (III'garren urtea. 1952 gko.
Ilbeltza-Otsailla. 1-2' garren zenbakiak) —Hurrengo artikulua




 

 

—Olerti—

 

¡Ama!

 

Etxaniz'tar Nemesi

 

Neguko gau beltz luzetan,

bisutsa nagusi danean,

Ama det buruan,

Ama biotzean.

 

Baso erantziak, dardara;

akelarre-soñu, aizeak:

mendebala astintzen adarrak,

(olarru-beso asarreak):

erausiak ebaki ditu

maldako bular ta oteak...

Orduntxe artzen nau biziro

amaren besarte-goseak.

 

¡Ai, baña! aspaldi batu ziran

neretzat amaren begiak

gorputz gaxo ura artu zun

ilobiko arri-azpiak;

ta nik, oroipenez minbera,

bustiaz maindire zuriak,

gau-bela dagiot amari,

igurtziz begi negartiak.

 

Amaren oroiz

gau det biotzean,

elurra gogoan

ezin det ixildu

negarra kolkoan.

 

¡Amaika kezketan zailduak

amaren lan-ordu luzeak!.

Nere aurtzaroko goiz-argi,

beti pronto bular beteak,

nere loa zaitzeko erne;

nigan tinki begi maiteak.

Min det amaren arpegia

estali bearra lurpeak.

 

Tan... tan... tan...

istil-otsak ilunpetan.

Tan... tan... tan...

nere biotzak penetan.

 

Kanposantuan ¿nor ote-dabil

ildakoen loa zaitzen?...

Keriza beltzak ikusten ditut

gabeko antsiak aitzen.

Nere amaren ezur soiletan

arrak beren lana amaitzen...

Nere biotza karra-karra antxe

dagola, dirudit, galtzen.

 

Negu-gabetan

amaren gose.

Amarik gabe

gaua... ¡bai luze!.

 



Literatur Aldizkarien Gordailua Susa argitaletxearen egitasmoa da.