L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (III. urtea. 1952 gko
Uztaila-Dagonila. 7-8 garren zenbakiak) —Hurrengo artikulua




 

 

—Olerti—

 

Baserriko goizaldea

 

Orbelaun

 

Irribarrez dagiri sorkaldea:

Odeiak-zuri gorri ta urea.

Pioka txoritxuak. Argi mea.

Su ta leiarrezkoa errekea.

Lurrats nabar-urdiña. Otz emea.

Sugaitz adarretatik intz tantea.

Izar malkoz aramu gau-sarea.

Lora mota bakoitzan kapelea

Pitxi banan gordaillu orbangea:

Lilia, zitoria, larrosea...

Itsas-aldetik legun aize xea

Landarakaz olgetan, saramea.

Poz-negarrez keixa ta masustea.

 

Aletan indurritxu langillea;

Eztitan jainkolloa ta erlea.

Aldapa ertzez-ertze artaldea,

Atzetik geldi aski agurea.

Basora auntzak, beiak, aberea...

 

             Beea,

             Murrusea,

             Arrantzea,

 

Ausia, deadarra, zaratea...

Tximini bakoitzetik naro kea

Goruntz, kizkur, biurri, zurizkea.

Kukurrukua, ollo-karkaxea.

 

Egalik egal txakur zar gosea.

Esnedun bat, argin bi, abadea,

Iru lau lugin, idi ta goldea.

Iturrira kantari neskamea.

Urirantza barazki saltzallea

Erremi txit, buruan otsarea.

Kanpantorrean din-dan ioalea...

 

             Basetxea,

             Kurtzea,

             Eleizea,

 

Meza Deuna, txiliña, altarea,

Jaunartzera ioranez arimea...

 

Artean zeruaren erditzea,

Sorkalde oriaren urratzea.

Eder eguzkiaren sort-ogea...

Atera da izarren erregea!...

Orra eguzki bizi goizalea.

Erlantz zolia; ñirñir da ortzea.

Txir-txir-txir kirkillaren arlotea.

Alai irribarrezka etxetea,

 

 

             Larrea,

             Zingerea,

             Lurbirea.

 

Oi, ene baserriko goizaldea!...

 



Literatur Aldizkarien Gordailua Susa argitaletxearen egitasmoa da.