—Olerti—

Autorkuntza

(Iratzederr'i ezkuminez)

Aurraitz

Ezpa-nekuskez udabarrian:

Muru-eta mendiak lotatik yagiten,

landa-larren orrleia, berein margoz yazten,

txori-kanta alaiak argi-astia alaiten,

bedarretan intza goiz-argiaz dist-eiten,

euri epel-ondoren zelaiak urrinez,

ingumia eroak zador-ertzak alaiten,

iluntz-zeinuen kadena basoan galten,

ta biotza taupadaz maitasun-egarriz...

¡Eneuke gurako bizi!

Ezpa-nekuskez uda-udean:

Elai-egaztada luzeak urdin-pean,

lats eta iturrien gardena kilin-kalan,

gari arloen lerdena euzki goritan,

ortzea baltz-baltz-eiten sargori-ostean,

ostots ta oineztuak asarre bizian,

asaroa basterren egarria asetan,

iparraren oskirria neke-arintan

ta izadiaren erdian gogoa pozik...

¡Eneuke gurako bizi!

Ezpa-nekuske uda goienan:

Basoak gentzaz zidarrezko atsaldetan,

gorri-gorri egun-ertza mendi-gainetan,

ego-aize indarrtsua orri lapurretan,

mendien urdina amets-eskeinka urrunetan,

eguski-sarrera minberak odoletan,

orrtzea edoi xaramakaz taiatuta,

goi-amesen bide ilargi-zelai zurbilak

ta kadentasun goitarik barrnan nabari...

¡Eneuke gurako bizi!

Ezpa-nekuskez negu baltzean:

lerdi ilunan ezkutetan egun txatxarrak,

aranak tamaltasunez, lainoz mendiak,

basoak lo-zorroan biloizik zugatzak,

ortze-zear arineketan edoi baltzak,

ostots, yuzturi, euri, txingor ta bisutza,

aizerik zorrotzena leioan txistuka,

mendi ta zelaiak edurrez zurituta

eta zerutar bakeaz biotza garbi...

¡Eneuke gurako bizi!

Izadiaren ederrtasun eta gora-berok

zeruen oiartzun, gogo-entzumenen gelgarri...

ta Egile Gurena maite ezpa-neu oroz goiti

¡Eneuke gurako bizi!