L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (III. urtea. 1952 gko
Uztaila-Dagonila. 7-8 garren zenbakiak) —Hurrengo artikulua




 

 

—Olerti—

 

Zekenaren eriotza

 

Aurraitz

 

«Ilerriko giltzak...

¡Eunei...!

—Kirrin, karran—.

Ate bildurrgarriak».

 

Urrindu yakon urrien diz-dizera

leiarrezko begi asezinetatik.

Atsegin yoanen zelai apurrtutik

oldozkun bildurrgarriak yatorrkozan.

 

Bizitza-muga igaro ezinda

isildu yakon diruen otsa;

bizitzako poza eban eresi ergela.

«Ilerriko giltzak....

¡Eunei...!

—Kirrin, karran—.

¿Orain dana utzi bear?»

 

«Ez.... ¡Ez! Utzi nagik erio.

Etxoat alde nai oindino».

 

Gaiztakerien errua latzikara;

larri datza, ondasun artean txiro.

Eriorentzat emokairik eztauko...

Itxaro zauritua barruan minbera.

 

Bere-erruz gosez il zinaren erostak

aldi galduen oiartzuna zemaile.

Arantzartetik eriok errukige

aiotz zorrotzaz arnasa ebai dautza.

 

Maitasun bako bakartasunan,

eriotz-orduaren sakonan,

zarata ikaragarri batzuk amildu ziran.

 

«Ez...! ¡Etxoat gura oindino...!

¿Nire urreak inorentzako...?»

 

«Ilerriko giltzak...

¡Eunei...!

—Kirrin, karran—.

¿Zer ete-bestaldean...?

 



Literatur Aldizkarien Gordailua Susa argitaletxearen egitasmoa da.