L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (V. urtea. 1954 gko
Ilbeltza-Otsailla. 1-2 garren zenbakiak) —Hurrengo artikulua




 

 

—Olerti—

 

Urrundik

 

Bordari

 

O ezkil

        O ezkil

Deiaren itur bipil

Erriko oiar miñ,

Dan, dun, den don, din

Goiz sentiko argizkil

 

        O ezkil

        O ezkil

Asperen ezti

Alai zak ire mihi

Eta erraiok maite eneari

Dan, dun, den, don, din

Lorik-ge naizela ni

Bihotza eri

 

        Dan, dun, den, don, din

Sagara aldiko ezkil

Otoiaren otoiaren billa abil

Ona nere umil...

Baña erraiok maiteari

Berea naizela ni

 

        Dan, dun, den, don, din,

Zorioneko eguerdi

Angelus aldi

Otoi, iru Ave Mari

Zeru goi-goian eguzki

Nerea etxean noski

Gogoa ameslari

Nigan pentsatzen beti

 

        O ezkil

Dan, din, dan

(Sol, la, sol),

ia nor il dan?

— Eguna duk il

Dan, din, dan,

(sol, la, sol)

 

        Illuneko ameskil

O, ezkil

Bigar arte ixil

Erraiok maite eneari

Lorik naizela ni

Bihotza eri.

     !!! DAN...

 

4-7-53

 



Literatur Aldizkarien Gordailua Susa argitaletxearen egitasmoa da.