Orrilla-Lotazilla. 5-12'garren zenbakia)'>


L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko Gogoa (VI. urtea. 1955'go
Orrilla-Lotazilla. 5-12'garren zenbakia) —Hurrengo artikulua




 

 

—Olerti / Etxaniz'tar Nemesi'ren olerkiak—

 

Olerkari

 

Nemesio Etxaniz

 

Olerkari naizala, lagunak diote.

Sinisten ez da errez burua galtzeke.

Lerro labur batzuek idazten ba-dakit:

ta aiek, besterik gabe, liluratzen

zaizkit.

 

Baña jarrai dezagun komeri onetan;

gozo bai-dek egunak urtzea amesetan.

Onela lerro txikiz idazten darraiket,

lagunik inguruan txalo-joka ba-det.

 

Olerkari izatea, ez dek adur ona:

gosea oi-dek, agitz, oien otamena.

Bear gorrien mende bizi izan ondoren,

ezak obitegira dizkik eramaten.

 

Burutapen auetan azoka nuala,

ateratzen asi nauk olerki-ezpala.

Olerkari ta aberats ez omen-ditekek;

dirua oiengandik, nunbait, igesi dek.

Ilda gero besteak jaso oi-diate

aien lanak ekarri oi-duten garite.

 

Oraintxe zalantzan nauk egia ote-dan

olerkari naizala. Aspaldi onetan

dirua etsai diat. Baña gauden ontan:

ia gure lanekin norbait gizentzen dan.

 



Literatur Aldizkarien Gordailua Susa argitaletxearen egitasmoa da.