—Itz Neurtuz—

Negun leiotik

Biurko'tar Jon

Zerio'tar Arantzazu nere illobatxoari, maitez

            1

Ator, illobatxo ori,

nere belaunetan eseri,

ta begira gure leiotikan

elur-itxaso zabal

toki guzietan...

Lurreak jantzi eder

artu du gau ontan.

            2

Ikus: elur-maloek

ingumak ematen...;

ortzea beltz dago ta

aiek zuri jaisten;

soroan zimaur-meta

ari da zuritzen.

¡Arrigarria dugun

elurraren almen!

            3

Etxe-aurreko oro

(naiz soro, naiz mendi)

itxura galdu eta

zuriz dago jantzi...

(Ala., maitetxo ori,

ba-dagokin iri

biotza zuri, garbi

gordetzea beti)

            4

Ara: bat batez orain

elur-malorik ez...

asarre zan aizea

geratu da pakez.

¡Ikusgarri dan dana...!

Garbitasun-miñez

gure begi-gogoak

orain ase bitez.

            5

Illoba maite ori,

izutu ez adi,

bele bai-dun, biraka

zeruan dan txori,

elurteren gaiñean

deabrua iduri...

(Kontuz Ega-beltz onek

ez azan estali...).

            6

Negarrez ago? Ixo,

belea jun da-ta;

ikus orain elurra

len bezin garbia...;

ezin ire biotzan

sartu deabrua,

ezpazaio berari

atsegin elurra...

1956'ko otsaillan.