|
—Itz Neurtuz—
Aberri maite-maitea utzirik
Iakakortaxarena'tar Txomin
Aberri maite-maitea utzirik
Uyel, nigar, odoletan,
Argentinako edaso zabal
ontako baztar batetan
neuk be ezin zinets bizi naizenik
Ogei bat urte luzeetan!
Biotza lauskiz... Ai! zenbat malko
Bakar ordu mergatzetan.
Beti asmoak, beti asmoak,
Itxaropenak ganezka;
indartzaleak noizko suntsiko
Jaunari beti galdezka;
Lotkezaleak noizpait garaille
alare guk lengo kezka...
Biotz gosea banda nai baikoz
ildumak beti eurrezka.
Gure armiñak ez du mugarik,
beti galdera larria:
«Oraingotikan ilko ote zaigun
Ausaz ilko aberria!»...
Gaur izper goxo xuxpergarria
Biar illots beltz gorria!
Gu Kisto legez abean dindil...
Urgaizten ezin abia!
Auxe ta bera, orra! agi zait ba
zurekin lagun kutuna
Biotz, arraiz gaur artua dizut
Praga'tik zure gutuna!
Etzan bakarrik orpoz-orpo zun
Leyaka beste laguna,
Biotza yauz zait, ark lekarkiket
yayoterriko oyartzuna.
Bi-biek datzaz mai baten gañan,
Niri kirika loxintzaz
Andregai biko lilluragarri
Biotzak txil-txill agintzaz;
Bi-biek eder ni nai gogaka
Txeraz, ereguz, urrintzaz,
Aldikoz elkar bekozkoz aoka
Nire aurrez ezin mintzaz.
Begi kliska bat eginik diot
Jasez nire errikoari...
Alki dedin, bai, adei izanik
Ain urrungo arrotzari;
Tatarka artu dut esku artean,
Adi, aren mintzoari...
Euskera goxoz irosor bait-nau...
Mendrezkak legez ezti dari.
Praga barneko nexka txairoa
Euzko soñekoz jantzia!
Nun ikasi dun, noizdanik dakin
Gure mintzaira eztia?
Aizen txanbelin, urgoi, irtirin,
Txeratsu, arrai, xuria...
Aota limuri, epel orregaz
Geldu naun, maite guztia!
Irrits lizunik pizten ez duten
beso txau otan luzaro
Amets goxotan lilluraturik
Sendal ar dizut abaro:
Praga'n euskeraz ari ba'dira
Zer ez nezaket itxaro?
Gure amatxo bizkor da ta
Lo dagidan, bai, atsaro!
Noizpait orratik lo goxo ortatik
naizelarik itxartua,
Zanpez mai-ertzean beste laguna
Tukuz, muxin, mindurua...
Jauki diotan lotsabekeri
Gorriaz txit gorritua,
Esku artean balakatu dut
Emanik biguin muxua.
Zer dizkit bañan, sumin garratzaz
Zizpil, kiskali ezpañak?
Zerk inarrosi, zupindi batek
bezela belarri-zañak?
Erbeste jantzi lizunak dakaz
Nire erri nexka lirañak?...
Atzerri anots eriogarriz
Jotorrika ao ezañak!!
Ilduraz, lorra!... oto gorria!
negar marraskak batera!
Etxean dugu Ama gaixoa!
urrunean danak txera...!
Aizkorri pean erra-semeak
Txerta ezinik erdera!...
Praga erdoki, urrun, barnean
Maiteki mintzaz... EUSKERA!!
Zure begien nirñirra etzait
nire oetan islatu...
Zure irripartxo xaloak ez dit
Betartea errañatu...
Lagun on orren biotz taupadak
Aspaldi nitun sumatu!...
Beyondaizula! ordañez lagun
Eskua orra luzatu!
Ona ba lagun, gure egoera!...
Beti itxaroak gañezka...
Indarzaleak noizko suntsiko
Jaunari beti galdezka.
Abean dindil Kisto bezela!
Ezin lagunduzko kezka!
Eriotz onek, Jauna, bai al du
Berpizte'egunik urrezka?
| 
