—Itz-Neurtuz—

Gurutz-aurrian

Anai I. Olabeaga

Illun dut biotza; illun bildurgarria;

izuz, kezkaz, atsekabez oso betia.

            Zure oñetara nator

            Kurutz Santu txit maitia.

            Arkitu dezadala or

            bear deten sendakia.

Begira, ikusi ene biotz mindua,

zure Jaun Alguztidun gurutziltzatua.

            Egizko Jainkoa dana,

            parrezko errege egiña;

            gorputz osoan darama

            zauri odoltsuen miña.

Arantz zorrotzak zulatu duten burua,

maitetsu dauka zuregana makurtua!

            Ozpiñ ezetu españak

            itz-ezti, barka iturri;

            masail txistuz zikinduak

            matrallekoz ubel-ori.

Begi txit urrikaltsuk osoro itxiak,

malkoz bete bai ditu gaiztakeriak!

            Besoak guztiz zabalik,

            bertantxe seme-galdua

            leunki besarkatu nairik,

            sortu-araziz damua.

Neurrigabeko maitasunaren labia da

Biotz ori, zabal-zabal irikia.

            Barrun kiskaldu neria;

            argitu nere illuna;

            Geitu zure maitasuna.

25 Epailla 1957.