—Itz-Neurtuz—

Otsua t'arkumia

Arratetiko bat

                                Ad rivum eundem...

                                Phedro.

Ibai korrontera,

egarrixa illeta,

eldu dira batera,

Otsoko ao-baltz eta

Bildots zuri ederra,

au bildurrez beteta.

Otsua zan goitik,

zurrustaka aua,

Arkumia betitxik

ixilik koittaua,

aiñ urra zarretik

a etsai garaua.

— ¡Zer arraixo abill i

neri ura loitutzen

sasikumiori!

orrua, aiñ zuzen,

zatar arek oni,

artzekuak asmatzen.

Naiz zurkatxtu (1) itz orrek,

au Txikin galdia:

— ¿Diñuana Bedorrek,

nola al da izatia,

ta zinistu zeñek

ura gorutz juatia?

Egixan indarrez

zintzua baleiteke

ixildu, Otsua ez:

— ¡Oiñ urte bete dala—

orrua bigarrenez—

jardu'eban nai ala!

— ¡Jauna, ondik jaixua

ez nintzan orduan!

— Ba ire aita alua

orla izango zuan!

Au esanaz, Goikua;

¡zaz! Beku'n lepuan.

Pedro, Errom'arra,

zanian bezela,

neurtzen a ipoiñ zarra,

gaur be, badabela,

Indarrak zatarra;

beittu ba bestela

¡Ungrira!

1) Zurkatx = escarmiento bezela erabiltzen dugu Eibar'en.