L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko-Gogoa
(1957. Orrila-Garagarrila) —Hurrengo artikulua




 

 

—Itz-Neurtuz—

 

Banaki...

 

Iratzeder

 

Ibar Garakotcheko saindu-gaiari gertatua

 

Banaki nola banaki

Zeru zola nola unki

 

Joan naiz bidez,

          joan naiz larrez

Nundik nola zeru zola

Eskuez unki beharrez

 

Banaki nola banaki

Zeru zola nola unki

 

Joan naiz mendiz,

          joan naiz harriz

Zeru zola hortxet zela

Laster-laster eta irriz

 

Banaki nola banaki

Zeru zola nola unki

 

Zeruaren unkitzeko

Bethi joan aiz, bethi goiti

Mendi-kaxkoz mendi-kaxko

 

Banaki nola banaki

Zeru zola nola unki

 

Joan naiz bila eta bila

Hara urrun, ez dakit nun

Han zagola zeru zola

 

Banaki nola banaki

Zeru zola nola unki

 

           * * *

 

Gelditu naiz ilhuntzean

Izerditan, nigarretan.

Erori naiz iratzean

Zeru zola histen zela.

 

Erori naiz othoitzean

Nigarretan, lorietan

Ene bihotz bihotzean

Pizten zela zeru zola.

 



Literatur Aldizkarien Gordailua Susa argitaletxearen egitasmoa da.