L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Euzko-Gogoa aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Euzko-Gogoa
(1958. ilbeltza-otsaila) —Hurrengo artikulua




 

 

—Itz-Neurtuz—

 

Salle'ko Joan Bautista'ren bizitza

 

Olabeaga'tar Y.

 

             1

Amazaspigarren gizaldian,

gutxientzat aberatsa,

mixeri asko ikusi ziran

aundiena ez-jakintza.

Eskola urri, maixu gutxitxo,

mutil ezitze txit gaitza,

bazter guztietan gaiztakeria

ta ondo galdua lotsa!

 

             2

Jainkoa beti kupitsu danez

eman zion sendakia,

urte aietan sortu bai zuan

gaitz oien sendagillia.

Prantzia'ko Reims uri aundian

ikusi zuen argia,

gero betiko izango zana

irakaslen zaindaria.

 

             3

Bere gurasok kristau txit onak

et'aundizki ospetsuak,

begi aurrian jarri zizkioten

Kristo'ren lege zintzoak.

Deunen bizitzak irakurrita

indartu zitun asmoak,

jarraitu bear zitula beti

santu oien ejenpluak.

 

             4

Gaztetandikan ikasi zuen

gogotsu Mesa laguntzen,

jende guztien begi aurrian

aingerutxo iduritzen.

Apaiz-gaietan asten da laxter

Jauna'ren deia betetzen,

bizitz osoan zintzo-zintzoki

Jesus maite mirabetzen.

 

             5

Paris'eko errian apaiz-gai zala

galtzen ditu gurasoak,

zarrena zanez artuko ditu

bere mende anaitxoak.

Estu-aldi latz gogor aietan

baditu kexkak gaxoak,

bañan beñere etzuan galdu

on egiteko gogoak.

 

             6

Aurki ikusi zun bear bidea

animak zeruratzeko,

mutil-kozkorren gaiztakeriak

ben-benetan zuzentzeko.

Kristau-eskolak jartzen asi zan

dotriña erakusteko,

maixu batzuen neke bitartez

gazteak eskolatzeko.

 

             7

Aberastasun guztiak utzi

ta beartsu izan nai zun,

Jesus'en antza oso-osoa

ia beregan jartzen dun.

Garai artako gosete baten

ondasunak eman zitun,

naiago zuan jateko billa

kalez-kale eskian jun.

 

             8

Eskola berrik ugaritzeko

bear-bearra laguntza,

Andra Mari'ri zuzentzen dio

bero-arretaz otoitza.

Liesse'ko elizan danen aurrian

eskeñi zion bizitza,

Ama on onek esku luzatuz

indartzen dio biotta.

 

             9

Eliza'k bazun urte aietan

kristau-eskolen bearra,

orregatikan asmatu zuan

Anaidi bat txit ederra.

Lege zintzoak jarri zizkion

artu zedin bear indarra,

anai guztiak agertu ziran

egiñaz sendi bakarra.

 

             10

Egun osoa pasatzen zuan

mutil beartsu artean,

lenengo letrak erakutsita

dotriña ere batean.

Doi-doi lan-neke oneri esker

jarri zitun on bidean,

arritu ziran eliz-gizonak

aldaketa ikustean.

 

             11

Jesus ondoren eraman zuan

gurutz gogor ta txit latza,

etsai gaiztoak sortu bai zion

edonun arantz zorrotza.

Senide orok aurka jarrita

uka zioten laguntza,

bere bidean Jauna'k bakarrik

egiten bai zion bultza.

 

             12

Reims'ko erritik kristau-eskolak

edonun zabaldu nairik,

Prantzi'ko buru Paris urira

abiatu zan bakarrik.

Bide guztiak arkitu zitun

elur zuriz estalirik,

mendi tartean ikusi zuan

bere burua galdurik.

 

             13

Bide bazterko leize zuluan

erori zan miñ arturik,

otzez dardaraz gau luze artan

an egon zan ia illik.

Elur zuria odolez gorri

ikusten du arriturik,

bañan zeruak ateratzen du

osasuna biurturik.

 

             14

Salle'ko Jean'ek zabaldu zitun

bere eskolak uri artan,

beste maixuak au ikusirik

bizi asarretu ziran.

Arrats batian eskolan sartuz

bota zituzten pillatan,

barrungo alki ta mai guztiak

dana utzirik pusketan.

 

             15

Deabru txarrak sortu zizkion

etsai zital ta gogorrak,

galdu naierik salatu zuten

asmatuz gezur galantak.

Gotzaia ere etsai egin zan

sinisturik aiek danak,

ainbeste istillu ikusirikan

itxi zitun bi eskolak.

 

             16

Ezin bizirik etsai artian

joan zan Ruan'ko urira,

eskolen bidez mutil ugari

ekarri zitun onera.

Jaun'ak emanda ikusi zuan

Anaidian zabalera,

neurri berian an ibilli zan

alde batetik bestera.

 

             17

Urte aietan ugari ziran

jansenisten aldekoak,

dotriñ zintzoa alderatuta

Eliza'ren aurkakoak.

Beren aldera ekarri naian

irakasle sallekoak,

diru eskeñiz ibilli arren

geldi ziran zintzokoak.

 

             18

Ainbeste neke, barau, ildurak,

auldu zuten gure Aita,

il bear zula ikusi bai zun

Jaun'ak ala argituta.

Jose Deuna'ri eskatu dio

indar askorik ez du ta,

Meza emateko aren

laguntza beretaz urrikalduta.

 

             19

Milla zazpian ta emeretzi

garrengo aste Santuan,

bere anima zeruratu zan

gorputz geldirik munduan.

Egun berean jende ugari

ekarrirazi zituan,

an inguruan negarrez danak

bera ikusi asmuan.

 

             20

Mundu guztian zabaldurikan

ditugu gaur Salletarrak,

iñun baño obe Euskal-errian

ikusten dira erritarrak.

Muga batetik beste puntaño

Anai on oiei eskerrak,

gure mutillak egiten dira

Kristau ta Euskaldun jatorrak.

 



Literatur Aldizkarien Gordailua Susa argitaletxearen egitasmoa da.