—Itz Neurtuz—

Eguantz

Erkiaga, Eusebio

Etxe-zokoak illun dagoz oraiño,

sabel zuribeltzez dugu laiño

ibarretan.

Baiñan zure eskuak, ene Jaun,

zer orori damaio iraun

egun eta gauetan.

Zer duzu begi oietan

nik ezagutzen ez dudanik?

Negar egin bear nuke

nire akatsen parka-eske.

Zure arpegiak eztu beiñere zimurrik,

eneak bezela,

ez kezka ta miñik.

Utz ezadazu zure oin txurietan

musu bero egiten.

Zure ontziko gizonetan

ea noiz nauzun artzen.

Nahi bait nuke, nahi,

kai artan

sare graziz beteak

biltzen ari

illuntzerik eztuten egunetan.