L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Oh! Euzkadi aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Oh! Euzkadi-2 (1980-ekaina) —<euzk0317>




 

 

Pete Sinfield

 

Espetxe-ilargiaren kate higatuak

Eguzkiak lehertu ditu.

Bide bat ibiltzen dut, horizonteak aldatuz doaz.

Torneoa hasia da

Xirulariak bere doinua jotzen du

Abestaldeak gozo abesten ditu

Hiru sehaska abesti aintzineko hizkuntzan.

Errege gorribiziaren gortearentzat.

 

Hiriko giltzen zaindariak

Sarrailak jartzen dizkie ametsei.

Erromesaren atearen kanpo aldean nago zain

Plan aski zehatzik gabe.

Erregina beltzak hileta-martxa

kantatzen du

Brontzezko kanpai arrailduak joko dute

Suaren sorginari dei eginez

Errege gorribiziaren gortera.

 

Baratzainak zuhaitz berde bat landatzen du

Lore bat zapaltzen ari den bitartean.

Itsasontzi prismatiko baten haizearen ehizean ari naiz

Gazia eta geza dastatzeko

Malabaristak eskua altxatzen du

Orkestra hasten da

Errota gurpila bezala astiro biratzen

Errege gorribiziaren gortean.

 

Alargunek negar egiten dute goiz gris gozoetan

Jakintsuak txisteak kontatzen ari dira elkarri

Lasterka egiten dut etorkizunaren seinaleak iristeko

Bufoi horiak ez du aktuatzen

Baina hariei eragiten die leunki

Eta irribarre egiten du dantzatzen direnean titereak

Errege gorribiziaren gortean.

 

The Court of The Crimson King

 

 

 

website free tracking



Literatur Aldizkarien Gordailua Susa argitaletxearen egitasmoa da.