Ttipian Buru

Iñaki Garziarena

Legea: Dionisioren omen

Nolako edana, halako izana

Gartzelik gotorrena

Gizonak betetzen duen

gartzelik gotorrena

ideiaz egina da...

Exegesis

"Cesarren emazteak, bertutetsua ezezik, halakoxearen plantak agertu behar ditu."

Exégesis: ez duzu inoiz inolaz ere buruz buru afalduko mahaietan argi-mutil eratxekiak diren errestaurant batean, inguruan dituzun zingaro batzuen doinura... zure emaztea ez den beste emakume batekin!

Omena

Akats guziak

barkagarri jotzen dizkiot

bat ezik: ni baino

zoriontsuagoa izatea!

Eskerrik asko kuttunari

Eskerrik asko

egia gabe

entzun gogo dudana

erantzuteagatik...

Legea

Hein baten, hizkuntzek

idatzi egiten gaituzte

¡Apoyemos el euskera!

Euskeraz ari ez garelako

ikusten dugu euskera

Zirko pobrea

Zirko bat

hain zen pobrea

ze ugazaba

hartza zen

Esku morala

E.T.A.-k drogazaleak hiltzen ditu; Santa Cruz apaizak surtara botatzen zituen maitaleen arteko eskutitzak erotismo aztarnaren bat antzemanez gero: euskaldunon artean kontua beti da garbiketan ibiltzea...

Errenta aitorpena dela eta

Zer espero ote daiteke bere buruaren txibatoa den jende halakoarengandik...