L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Gernika aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Gernika. 11. zkia (1950-apirila/ekaina) —Hurrengo artikulua




 

 

Haitz-pean...

 

Iratzeder

 

Haitz-ondo baten itzala, zeruaren zabala...

Eta hara berehala eskual-kantuz nagola!

 

Mundu-bidetan ardura ezindua nabila;

Bilatzen dut holakotan haitz-pe baten itzala:

Eta hor, zerurat beha berritzen zait odola,

Eskual-lurren bihotzean sartzen banintz bezala.

 

Eskual-Herria zait niri nun-nahiko haitz-pea:

Hor dut hurrupatzen eskual-lurren bakea.

Haitz-pek arintzen, eskualtzen, pizten dute barnea

Eta, elgarri besarka, biltzen eskual-jendea.

 

Haitz-ondo baten itzala, zeruaren zabala...

Eta hara berehala eskual-kantuz nagola!

 

Itsas-aldeko marruma, ihurzuri chimichta,

Iratze-gorri zirimol, Haitz-ondo bat chut chuta...

Zatozte, eskual-anaiak, dugun dantza ta kanta

Eta, munduaren maitez, elgar mintza ta maita.

 

Eskual-Herria, nun-nahi, bihotzean dugula

Eta usu ezpainetan "Gernikako Arbola".

Eskual-seme bakotchak bi Herri dituela:

Lehenik Eskual-Herria eta... Mundu-zabala.

 

............................................................................

 

Kurutzea bezein zabal zauden zuhaitz saindua,

Erho guziez hurrupa eskual-lurraren sua;

Eta, hedoieri nausi, goiti altcha burua,

Bake-eraile zabalduz munduz-mundu Fruitua...

 

1-10-49 Beloke-n.

 



Literatur Aldizkarien Gordailua Susa argitaletxearen egitasmoa da.