L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Gernika aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Gernika. 11. zkia (1950-apirila/ekaina) —Hurrengo artikulua




 

 

Azaroa

 

Zaitegi

 

Baserriko maizterra,

or duk azaroa.

Lurberritu beltzean

goldeatu ildoa:

zoiak lurrun-yario,

irauliz soroa.

Udazkenak bertan du

betiko lañoa.

 

Azi yaurtitzekoan,

urren duk elurra:

urrun, udaberriko

eguzki-agurra.

Azi yaurtitzekoan,

utikan beldurra,

etxe-bazterrean duk

neguko egurra.

 

Nere antzera ari aiz,

I, nekazaria!

Ondalan lurperatu itxaro-azia.

Neuk bezela maite duk

datorken euzkia:

siñestez ikusten duk

giza-udaberria.

 

Guatemala'n, 1950.

 



Literatur Aldizkarien Gordailua Susa argitaletxearen egitasmoa da.