Errimin

Zelai

                                Iturain'dar Juan-José, Orio'ko

                                legezko alkate jaunari.

Egoize latzak bakandu giñuzen

uztail erditsuko egun gori baten.

Geroztik eztago guregan atseden!

            ....................................

  Pillotak erriz-erri ziñun eraman,

laister zure izena eda zan yendetan,

oi, biziak ba'lirau atsegiñetan!

  Erriak ziñun autu alkatetzarako

ta zu izan ziñan beraren guraso,

arrantzalien kerizpe ta abaro.

  Gudu-zurrunbilloak oro nasturik,

mundu zabaleko itxas-lurretik

kai-billa asi giñan miñez urturik.

  Zu ere erten ziñan ekaitzak erasota,

iñoiz erri-yaun, gero galernak yota

ijito baitziña etzenun nun koka.

  Donibane'n ikus ziñuztan, beñola,

Orio erriko alkate gotorra,

zure lekuan irmo, ez ate-yoka.

  Amabost egun barru itzuli ustetan,

amabost urte yoan zaizkitzu neketan.

Alkate yaun, ez etsipenari eman!

  Geroak idekiko al-dizu ate

sortutako errian dezazun aterpe

anima gorputzetik bereizi arte.

            ....................................

  Egoaize latzak bakandu giñuzen

uztail erditsuko egun gori baten,

geroztik eztago guregan atseden!