L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Igela aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Igela-5 (1963-urtarrila/martxoa) —Hurrengo artikulua




 

 

Txoriontasun

 

J. Mirande

 

                Egun batez nuelarik

                Biotza txit gaixoa

                Edanikan geiegitxo

                Eusko-ardo goxoa,

                Entzun nuen oianean

                Kantuz eusko-xoxoa.

 

                Pino baten adar-puntan,

                Pino sendo, jasoa,

                Jarria zen, ta nik hara

                Eman nuen pausoa

                Hurbildikan entzutekotz

                Kantan eusko-xoxoa.

 

                Euskeraz zuen kantatzen

                Bere txori bertsoa,

                Goraipatuz Lege Zarrak

                Ta jainkoa, zintzoa

                Baitzen pino hartan kantuz

                Zegon eusko-zozoa...

 

                Esan nion: "Ulertzen dut

                Nekez zure mintzoa,

                Hain delakotz jori, landu,

                Sakon eta jasoa,

                Bainan eder duzu botza,

                Goitar eusko-zozoa!

 

                Txoritxoa, gaua da ta

                Illuna da basoa,

                Ez al duzu beldurrikan?

                Oi! ba letor otsoa?

                — "Jaunaz beste, deusen beldur

                Ez da eusko-zozoa."

 

                Esan nion: "Nor da ote

                Zure jabe, xoxoa?"

                Hark: "Euskotar ondrauren bat

                — Ez zatar ez atsoa —

                Eder, gazte... Izena du

                Euskolastikatxoa.

 

                Esan nion: "Biotza dut

                Eroria, lazoa...

                Zure kantak al ba leza

                Berriz ezar jasoa!

                Nai zaitut bai musuz bete.

                Zato eusko-zozoa.

 

                Estu nuen eni kontra

                Txori polit gaixoa,

                Eman nion egatxetan

                Musu bero gozoa

                Eta nere poz negarrez

                Busti nuen xoxoa.

 

                Esan nion: "Entzutekotz

                Zure kanta gozoa

                Beste pino baten ondo

                Zai da nere auzoa,

                Haren gana orain zoaz

                Arin, eusko-zozoa! "

 

                Egatu zen pinoz pino

                Poztuz oian osoa,

                Zeruraino jaikia zen

                Eusko-pino-basoa...

 

                Eta pino bakoitzean

                Egondu zen xoxoa.

 

1961-2-8 I

 



Literatur Aldizkarien Gordailua Susa argitaletxearen egitasmoa da.