L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Korrok aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Korrok-6 / Karlismoa hil da, biba Postkarlismoa (1985) —Hurrengo artikulua




 

 

Perseides Uriz

 

Sentitu          ez nuelako

gorderik daukat oro nire baitan

 

Txinpartak sua piztu du kajaren tapaiua

eta multzokatuen beldurrak atera dira jauzika

 

Gorderik neukan oro nire baitan

Sentitu          ez nuelako

 

 

 

Poesiaren motorra maitasuna ez bada,

Gustavo Adolfo Becquerri galde biezaiote

zerez egiten zuen bidea bere kotxeak.

 

Poesiaren motorra harrimena ez bada,

Federico Garcia Lorcari galde iezaiozue

senditu zuen zorabiorik New York-ko etxeorratzetan.

 

Poesiaren motorra atsekabea ez bada,

Esteban Urkiagari galdegin diezaiogun

ea —ai!— bat azaldu zitzaion fusiletako balak aditzean.

 

Poesiaren motorra boluptuosidadea ez bada,

Constatino Kavafis-i galde biezaio

zenbat gaztek lizundu zuten Greziako tabernetan.

 

Poesiaren motorra samurtasuna ez bada,

Rainer Maria Rilke-ri galde iezaiozu

norentzako zen hilobira eraman zuen arrosa lilia...

 

Poesiaren motorra hitza ez bada,

galdetu nahi dizuet zertarako poesia!

 

 

 

Behingoan

lauhazkatu nintzaizun

zure azpilduraren babesean

 

Autobusetako geltoki lehengo paradan —zalditik

beheratu nintzaizun

Behingoan

 

 

 



Literatur Aldizkarien Gordailua Susa argitaletxearen egitasmoa da.