L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Korrok aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Korrok-Korrika (7. zenbakia) (1985-maiatza) —Hurrengo artikulua




 

 

Ohizko garrasiak

 

Joakin Balentzia

 

                                                ("Euskararik gabe

                                                pakerik ez")

 

Ohizko garrasiak bota zituzten

eta guztiak beren etxeetara joan ziren.

"Egin beharra beterik" —erran huen.

 

Orain telebistek berriz jaurtikiko dute

ttu zikina

eta lo egitera joanen gara.

Ustekabeko itzalek gaua haundituko dute,

herri kondaira gehituko

eta aspaldiko ametsak

laztanduak izanen dira,

loteria erosteko ilada luzeen antzera.

 

Orain burkoek babestuko dute

oihukaturiko egia eztarri anitzen bidez.

Nor ukituko du herioaren behatz luzeak

gau honetan?

 

"Hau da luzaroko gerra bat" —erran huen.

Iluntasunak hainbeste urtetako zapalkuntzari

ezin dio lo eragin:

distira iheskor batzu,

suzko sugeen antzera,

atezatu ziren, ia hotsik gabe, apalki.

 

Itzalak berriz txikitu ziren

inguruko argilunekin nakasteko.

Egunsentiak berriz paratuko ditu

gauzak beren lekutan.

 



Literatur Aldizkarien Gordailua Susa argitaletxearen egitasmoa da.