L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 1 (1982-otsaila) —Hurrengo artikulua




 

 

Bide bazterretako arbolak

 

Auxtin Zamora

 

Su haziaz egin nituen izarrak

             nihunerekoak

             bezala gizonak,

eta gauza asko; zirimolan denak

 

Bainan uste nuke utzi nituela

             bide bazterretan

             arbolak bakean

dituzten ametsez bezti ziteztela

 

Bai eta erromes bidalier direnen

             urratsen errautsak

             irri ta xagrinak

beren aldaxkeri zintzili zitezen

 

Negua delarik dira urrikalgarriak

             kanpoan bakarrik,

             arras biluzirik,

haize hotzarekin daldarez josiak

 

Orotarik zilo zabalik besoak,

             adar punten puntak

             xorox xorroxtuak:

hobeki hartzeko zeruko indarrak

 

Hotz eta min dute beren erroetan

             dituzten ametsak:

             biharko hostoak

hasten direlakotz sortzen lur barnean

 

Atherbetan gizon eta abereak

             sartzen direlarik,

             goxatu nahirik,

neri beha daude arbol biluziak

 

Ez nituzke nahi ikusi sofritzen

             Neure iduzkia,

             goxo estalkia,

beren abarretan diotet pausatzen.

 



Literatur Aldizkarien Gordailua Susa argitaletxearen egitasmoa da.