L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 1 (1982-otsaila) —Hurrengo artikulua




 

 

Matte

 

Auxtin Zamora

 

             Matte, lillurekin,

             indar itsuekin,

amorratu nauzu zuretzat ongixko,

larre, sasietan eske ibiltzeko.

 

             Sorginen munduan,

             ez da deus argitan,

jestu eta hitzen murru gibeletan,

inkamineri da behar kasu eman.

 

             Geroztik gauetan,

             ilargi betetan,

arima deraukat, han, ote beltxetan,

ote beltxetan bai ote xurietan.

 

             Azti belagile,

             belar idortzale,

bilakatu nauzu zure begientzat,

lilien moztaile zure ileentzat.

 

             Zuhaindor bihia

             dela pozoinena,

arrosa salbaia xarmegarriena,

neretzat, zu zaitut maitagarriena.

 

             Zuk bota zortea,

             ez zen betikoa,

atxemanik oroit loreen artean,

sekretuen giltza, zu ez ohartzean ;

 

             Matte, lillurekin,

             indar ituekin,

amorratu zaitut nik ere ongixko,

nerekin larretan eske ibiltzeko.

 

             Sorginen munduan,

             ez da deus argitan,

jestu eta hitzen gibeletan,

inkamineri da behar kasu eman.

 

             Geroztik gauetan,

             ilargi betetan,

han, biak, gaude mihan ote beltxetan,

ote beltxetan bai ote xurietan...

 



Literatur Aldizkarien Gordailua Susa argitaletxearen egitasmoa da.