L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 1 (1982-otsaila) —Hurrengo artikulua




 

 

Ez

 

Lucien Etxezaharreta

 

                        Arregi gogoan nuen batez

 

hegaldatu dira

oihuaren oiharzunak

zirimolaka elgar jo eginik

oihua garrazi

eta garrazia orro luze

eta artekaren ixilak

neurri hautsi batez gela jantzi du

begiaren aintzinean

nigargorri bustiak

xortaka

bederazka

bainan

ezpainean

ez

ez ene herriko guzien izenean

ez

ene herrian

atzartzen ari dira

ez koma baten lo tzar batetarik

jeikiak dira ene etxean

ni xutik dilingan

radioa piztua lukete

Salvador-en haur garbitzen ari dira

yankitarren harmek heriotzezko loreak

elikopteren hegalen burrumban

hegalez eta begi hutsez

haien begiek jadanik hila naute

jo ta erre ta eletrika ta dilingan

eta lorik gabe ta zikindurik

eta herraren ezpatak

orro luze itoak

leihorik gabeko leize ifernuzkoan

zintzur zauritutik garrazi hilak

kurrinka ezdeusak

irringarriak

bainan

ezpainean

ez

ez ene herriko guzien izenean

ez

ene herrian

lanera doatzi

bizia galtzera nagusi batentzat

besterik ez dute ikasi

lana eta lana

indar osagarri gogoen truk

dirua

dirua biziaren sari

akitua denarentzat

lo belarra

telebixta tierzea futbola rikarra

ados ez denarentzat

ene zanpatzaileen beldurra

beldurra

kolpea nundik jinen den

beldurra

bizia ixurtzen ari baitzait

beldurra

nola eta noiz utziko nauten

zanpatzaile guzieri

ez

ez ene herriko guzien izenean

ez

ene herrian

eguzkia badukete

haizea zuhaitzen adarren perekatzaile

edo euria berdin

hedoi pizuen izar bustiekin

ur xirripak kantari

edo gaua behar bada

mendi urddinak itsasoan

izar hotzak kantari

ez hemen bezala

ez hemengo gaua

auhenaren gaua

indarren ezeztatzailea

gogoaren erho arazlea

erraiten delarik

ez

ez ene herriko guzien izenean

ez

ene herrian

banda bere buruaz besterik egin du batek

tiro bat ahoan

bakarrik bizi zen mendian

nork hil du

nork kezka bide abea zabaldu dio

ene herri mutua

ene herri mespretxatuak

ene herri umiliatuak

bizia kendu dio

buru puskez eta odolea inguraturik

barnea urratzen ari zait

higitzen naizelarik

etzanik argiak itsutzen nau

odolak lotu begiak ezin hetsiz

itzultzen dira jadanik

kaskak urrun dira orain

ez ditut senditzen

forma bitxiak dituzte izarrek

irri egiten diotet

ez dut beldurrik

ez

ez ene herriko guzien izenean

ez

ene herrian

mendiak jauzika ari dira

ibaiak iguzkiarekin jostetan

emazte gizon eta haurrak besarka

airez

ene auzoen artean nabila

ez naute ikusten

eliz dorretik itsasora punpaka

besoetarik tiratzen ditut

itsasoagorritzen da

begietan hatsagelditu da

orro eta garrazien oiharzunak

zerutik behera

jausten dira

hegalez.

 



Literatur Aldizkarien Gordailua Susa argitaletxearen egitasmoa da.