L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 1 (1982-otsaila) —Hurrengo artikulua




 

 

Azken euskalduneri

 

Manex Pagola

 

Ibar luzeko baserri zaharrerat

Joanak ginen

Euskara

Euskara bakarrik entzuteko

 

                     Harat orduko leher egina zen

                     Leher egina dena!

 

Telebixta

                                                                           z

                                                            a

                                             o

                              r

               r

o

sukaldean.

Aitatxi bera horren aho zilorat bildua,

Atseginez konkortua,

Lastozko kadiran ixtapeka

«Sensationnel-a da 14 juillet aurtengoa»!

 

                      Hilortu denez mundua?

                      Hala dirudi baserri hortakoak.

                      Hilorteak erremediorik ez

                      Berehalakoan!

                      Noiz ba orduan?

                      Negu honek noizko udaberria?

                      Ala erroek berek galdua dute bizia?

 

Erran zautaten behin,

Bainan ez idatzi!

(Hatzik ez nahiz utzi?)

Harritu nintzan

Suzko opil borobil,

AZKENEUSKALDUNAK ginela gu!

 

Azkenak azkenak,

Eztenak,

Lehenak, azkenak!

 

                      Nor ziren holako igarleak?

                      Noren ganik zituzten holako eleak?

 

Paratu naiz barre min itsusi batean

Historiaren haize apalari...

 

                      Larreak, etxeak, dorreak,

                      harresi zahar eta gazteluak

                      Arrak eta emeak

                      denak,

                      zorro haundiz ernalduak

                      Eta,

                      eta,

                      Altxatu ditudan izenak

                      Ez baitira hor denak:

 

                                            Caesar Augustus eta Karlomagno

                                            Napoleon, Hitler eta Franco...

                                            Eta hoien ume frango

                                            (Bai eta gutarteko)

                                            Mutu bainaiz aipatzeko...

                      Aizkorak altxatzen zituzten kalitzak bezala

                      Ostiak emaiten ostikoen neurrirat.

                      Biluzten deusik eskatzen etzuena

                      Eta lehertzen galdeka ari zena.

                      Goi manuz ezina

                      «Zeru»tiarki alse egina

 

Eta Euskara, Euskara

Euskoen kantu-hats lehena

Heuien txixtu ta danbolina...

Orai jo duk azkena,

Lehertzen ari haiz dena!

 

Ai nere mina

Bertzeen atsegina...

 

Urketan, 81-12-6

 



Literatur Aldizkarien Gordailua Susa argitaletxearen egitasmoa da.