Lights time

Itxaro Borda

taberna ketsuan

mahaindua,

Samuelek bere parrean

bisian bis(bis)

neska, ilun, pentsati eta

beltzaran bat

ikusi zuen

bakarrik

zagola.

zigarro «lights» bat erre nahiz

su bila bazabilkeela asmatu ondoan

pentsatu zuen, pentsatu

orain, mementoa zaitekeela!

eta, zangain bermaturik

neskaratu zen, eskatuz:

—norbait idurikatzen duzu?»

«bai... tenorea» ihardetsi zion,

—«a! barkatu... uste nuen...»

Samuel urrundu zen

deus ez balitzan

bezala...

halaz egia,

halatan ez zen gezurtia:

tenorea etorri zitzaionean

zutitu

         eta

              abiatu

                        zen,

                        neska...