L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 2 (1982-abuztua) —Hurrengo artikulua




 

 

Touggourt-eko dorretik

 

Jean Louis Davant

 

Eguzki zuriaz begiak urduri,

Urrungo legarren ibai legorrean

Nagozu bakarrik peko alforean

Ametsen dorretik so eta so zuri.

 

Erbeste zolako zelai gogorrean

Asmatzen zaituta odei tontor zuri,

Buruntzi burrunban elurrez ernari,

Iparraren lore,ortze idorrean?

 

Zeru-luhertzean ezer ez d'ageri.

Burdin-urmaelak ikaran, igeri,

Irakiz iretsi begien uhiña!

 

Baina bukatu zen mahuma haundia.

Itsasotik hara, su eta urdina

Andere Pirene, Ahuñamendia!

 



Literatur Aldizkarien Gordailua Susa argitaletxearen egitasmoa da.