L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 6. Garazi (1984-apirila) —Hurrengo artikulua




 

 

Arbolari kantuz

 

Jean Arrossagaray

 

                        Airea: Andereño bat ikusi nuen

 

                               1

Hasi bezala pertsutan daukat betitik ene gogoa

Aments batean egin dutana egun egirat badoa

Jainkoak eman dautan ideia agertzeko dut erroa

Guziek jakin dezaten zer den arbolaren balioa.

 

                               2

Arbolatikan egiten diren asko gauz xoragarriak

Horri pentsatuz kausitzen dira bihotzez hunkigarriak

Mundu guziko lurretan ditu jaunak bada ezarrrak

Balio handiz derabilzkigun gauza estimagarriak

 

                               3

Neguan butsik ta primaderan ostatu arbol alaia

Zonbat klasetan kausitzen zaikun izanduna ta nasaia

Oso gogoan denak jujatuz hartu dezagun usaia

Arima hartze luken gorputz hau izendatzeko anaia

 

                               4

Ez dut ikusten ene bizian zutaz gabetu berririk

Diren guziak erranen ditut hobekienik hasirik

Etxeak dauzkan zurtateak ta leioak eta aterik

Kausi zaikena ez bazintu zu jaunak atxiki bizirik

 

                               5

Eskuko tresna denen giderrak eginak baitira zurez

Gainerateko klasea frango guziak arraza berez

Horiek denak gizonarentzat eskaini dira beharrez

Zonbat kabala ez zaiku hazten gaztain, pahatx ta ezkurrez

 

                               6

Horren beharrez gabiltzala gu beraz gutiz gehienak

Egia dela bori argi lezake gauza dakienak

Arbolak dira gure monduan denetako beharrenak

Zeren jendeak hoitarik ditu jaten fruiturik onenak.

 

                               7

Zuraz bestalde ederragorik zer dagoke sukaldean

Nehork ukatu ote lezake agertzen dutan moldean

Xamindeiako patantxa ere zurez baitago gordean

Kadera baten gainean jaten dut mahainaren aldean

 

                               8

Argiratzea gauza horiek gaur ene gogoan dabil

Hortaz behartu gabe egunik ez baititaike erabil

Egun guziez zure gainerat behartzen baigira umil

Ohe zurean sortuak gira ta han nahi ginuke hil.

 

                               9

Biziak bizi, joanak joan, guziak hala beharrez

Arbolak beti hunkiko gaitu bere izaite ederrez

Jende biziak bai eta bilak hartuz bere aztaparrez

Azken pertsuko hitza gogoan bibotza daukat nigarrez

 

                               10

Agur bero bat eskaintzen dauzut mundutarren izenean

Zure bebarra izanen dugu denek azken egunean

Gauden bizirik beste hartara aldatuko garenean

Azken tokira joanen gira zure lau pusken barnean.

 



Literatur Aldizkarien Gordailua Susa argitaletxearen egitasmoa da.