L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Gotzone Sestorain

 

Ametsak taju poetikoz hornitu

ala ametsez tajuturiko mintzaira poetikoak

ernatu;

ez zekiat,

ez zekiat zer den poema bat

lelo batek gorpuzturiko bertso mainguak

edo naturaren erraietatik jaiotako

erritmo kosmikoa.

Nik,

soilik zekiat,

haran hertsien orlegia laztantzen

zebilken

lumazko oihal nasaiak

badikela bere doinu sakratua

zuhaitz enborren lerdentasunari

eta hosto xamurren lehuntasunari

iltzatzen zaion kantu labaina,

ixiltasunean erdituriko arnas hauskorra.

 



Literatur Aldizkarien Gordailua Susa argitaletxearen egitasmoa da.