L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 9 (1985-maiatza) —Hurrengo artikulua




 

 

Hobe... suntsitzea

 

J-Louis Caussade

 

Nere amodioa galdu zaitut, alta maite zintudan;

nere begiek sortu dituzten nigar kardingek, aurpegi matelak

irrikatu eta bihotza ziragandu dizkidaze

hilabete bat badea, urte bat, ala mende bat ez dugula elgar ikusi;

Amodiozko gutun samur haiek ez dizkidazu gehiago idazten;

Telefonan zure boza galdu da;

Denbora batez, nere jazargoek, gau osoak, iratzarririk atxiki ninduten;

ezin asmatua, ezin egina iduritzen zitzaidan zu gehiago ez ikustea, ez hunkitzea;

Hosto eihartuen azpian ehortzi nuen nere gorputza eta usteldu zen;

nere biziak, zure ixiltasunaren eta hutsaren zauri odolestatua zaukan;

Nere itxaropena eta amodio osoa zutan murgildu zen, ez zenuen kasu eman;

Bizkitartean, bakardade bortxatu hau bizitzen dut, zure gutiziaren errearen erdian

Eze ez zara nerea, libro zara, nahi duzunaren maitatzeko libro,

nere sofriarazteko libro, antsi izaiteko eta hiltzeko libro;

Hiru aste hauetan nere gogoa, etengabe zurekin da;

Bainan barka nezazu, ez zaitut larderiatu nahi;

Ixilduko naiz, goaitatuko dut samurki, igurikatuko, beharbada ahantzi nahiz,

bainan ez zintzaket ahanzi; Hobe litzaidake suntsitzea.

 



Literatur Aldizkarien Gordailua Susa argitaletxearen egitasmoa da.