L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 10 (1985-abendua) —Hurrengo artikulua




 

 

Seme baten otoitza

 

Jean Louis Davant

 

Zutik mintzo nitzaizu, boneta buruan

Beldur ez lotsa barik, errespetu haundiz

Aitaso judua lez, fermu liburuan

Zure haurra naizela ez ahantzi nahiz.

 

Biziaren ordari zenbat eman dizut

Apez eta serora, saindu, apezpiku

Zure zerbitzuko denek utzi naute

Hemen nago bakarrik, herrian arlote.

 

Zure amore gatik onartu dut oro

Nagusien azpiko egonez umila.

Arbasoen kemena laster duket bila

Ondorea galdurik, ezin dut haboro.

 

Zure seme naizenaz, ez nuzu nor nahi

Lur hau da sakratua besteak bezainbat

Herri orok bezala hartze du musu bat

Erresumen artetik ezin naute bahi.

 

Asko zor dizudala ez dut ukatuko

Gauza bakar bat dizut arren eskatuko

Populu bat naizela herri hunen jabe

Zure mutilen ganik entzun nahi nuke.

 



Literatur Aldizkarien Gordailua Susa argitaletxearen egitasmoa da.