L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 10 (1985-abendua) —Hurrengo artikulua




 

 

Sagarroia

 

Jean Louis Davant

 

Begia zohardi,

Mutturra usnari,

Ttapa ttapa dabila

Ikertzaile trebea

Bere altxorren bila

Sagar erroi ernea.

 

        Josteko tresna baten orratza bezala

        Zeru lurren barrena gorputz, arinetan

        Zuhurtziaren josle tai gabe dabila

        Izpiritu xorrotxa ikertze lanetan.

 

Zenbaitek uste duke zorrotza zarela

Radarren hesia da urrundik horrela.

 

        Eta iduri luke, ziztaz borobila,

        Sagar erroi sotila, egiaren bila.

 

Onda laburrez dir dir, antenaz betea,

Gure batasunaren dendari trebea,

 

        Sagarroia bezala Lafitte joan zera

        Aberri berriaren betiko yostera.

 



Literatur Aldizkarien Gordailua Susa argitaletxearen egitasmoa da.