Nere maitea

ZUGASTI apaizak

1926-11-6 (Gazteiz'en apaizgai)

Emen det nere Jesus biotzean...

Biotz-barru-barruan

Txit gordea.

Emen bear du beti barrenean

Bera bait-det munduan

Poz betea!

Poliki gordetzen du loratxoak

Udaberri-goizetan

Intz garbia...

Orrela nere biotz maitetsuak

Maite eztia.

Nere aldamenean aingeruak

Auzpezturik guztiak

Jauna agurtzen...

Zerutarrak ere bai... auzpeztuak!

Jauna bere errukiak

Neri ixurtzen.

Laztandu det Maite maitagarria;

Nere besoetan daukat artua...

Berak besoetan, zori eztia!

Maitasunez nauka bildu-bildua.

Kabian txoriñoa

Baiño obeki

Nago ni Maitearen

Besartean...

Ez dabil arraitxoa

Ain ederki

Itxaso zabalaren

Ur otzean...

Aur txiki indar gabea

Pozik dago

Amatxoren kolkoan

Bero-bero...

Jesus, nere jabea,

Pozikago.

Ni zure altzo gozoan

Gaur ta gero.

Arkitu det gaur nere biotzak

Maitatzen duan Maitea...

Beso artean eutsirik daukat

Ez det utziko. Beti izango da

Nerea!