L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1959 II (1959-apirila/ekaina) —Hurrengo artikulua




 

 

Aldendu gera

Tolosa'ri agur

 

Muxika'tar Luis Mari

sakramentinoa

 

Ixilla urratuz askatu dira

asmamenaren txindor-ego.

Eguzkia sarkalde amil-mugan

dizdizka, margo da oro.

Alboan matrailla miaztu naiaz

Pir-pir leunean zugatz-osto.

Urrun-muiñetan oroi itunaz

esituak biotz ta gogo.

 

Tolosa-min, negar samiñez

pil-pil dago barne-zoko.

Ene bekaiñean irrits dagite

zir-zirrioka milla malko.

Eskui-ezkerrean txirrioz dantzut

nola ene lagun txoriñok

leunki dasaidan: «Oraindik itxaro,

ez diat galdu kabi eztiño».

 

Tolosa adoretsu, zazpi urteko

kabi zar-kuttun eneño,

ia gur' artu-eman lokarriak

eten dira aspaldirako.

Ala eta guztiz, elkar ez degu

ez arantz-min, ez gorroto;

biok maitatzen, maite-min antzo,

asiko gera berriro.

 

An gelan, leio pare-parean

aurrez-aurre nun Ernio

emen, berriz, atz-atzez

Illunbek beste oni itzal dagio.

An sarritan samin eta nekez

naro,naro nun negar-jario

emen, ordea, barneak txorabio,

poz ta sosegua dario!

 

Aldi batez, biotz muin-muiñetan

xri-xri xamur-legunkiro

barne txoriño eres kantariak

galdetu zidan eztiro:

«Aizak, aizak. aixkide bereizi,

esaidak. arren: nun ago

alai. atsegin-bitsetan ase,

an edo emen geiago?

 

Barnean diat pozezko naspilla,

zalantzaren menpe natxiok.

Erantzuna zorrotz dek baiña,

barneak «emen obe», ziok.

Biotz-mamia urratzen zaizu bai,

a!, zuri, ene Tolosa,

onela erantzuki; baiño,

nik egia esaten ez lotsa!

 

Arrati ibar zoragarrian

ba-det baretasun-gentza;

an, ordea, gela ondoan mutillen

makiñak karraxi otsa.

«Emen atsegin ibaian nago»,

norbaitek alaiki dasa.

Begira, orain-be, euzki-izpitan

ixpillu da urreko atxa.

 

Tolosa kuttun, xoilki ta sutsu

negarrari daragiozu;

biotz-atsekabez dardaizoka

dantzut zure abots mindu.

Azken illabete onen zear

benetan txit urrun nauzu.

Baiñan, lurrak aldendu ez digu,

elkartu baizik ni ta zu...

 



Literatur Aldizkarien Gordailua Susa argitaletxearen egitasmoa da.