L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1959 III (1959-uztaila/iraila) —Hurrengo artikulua




 

 

«Eskerrak Jauna»

 

Joakin Aldabe

 

Zuk eskua zabaltzen dezula, ontasunez beteta geldituko dira bazter guziak

Guk merezi dugun aiña ta geigo ematen diguzu: orregatik...

 

Ud'azkeneko lore,

azken kondakiñak,

zimeldu dira danak.

Agur, klabeliñak!

Zugaitz osto guztiya

Apaiñ ziranak,

adarretik lurrera

dijuaz igartuak.

 

Gordetzen digu udarak

bere arpegia

ta ez du opako berriz

eder dan argia.

Negu lotan sartzen da

munduen erdia.

Lotan loretegiak

ta lotan mendia.

 

Zeiñen ongarri, udara,

izan zaitugun, bai!

Utzi gaituzu danok

poztu t'oso alai.

Uda azken sarreran

egiñgo degu jai,

jarri dituzulako

ontasunak nun nai.

 

Ondu ditu udarak

emaitz nagusiak.

Bete dira nai aiña

tolare-ganbarak.

Baratz igale aukera

an daude elkartuak.

Ona egiz ta ugarik

udak moldatuak.

 

Zenbat gaztaiñ, mizpira,

urra, udariak

ta beste geigo dauden

mardul ta ugariak!

Bildu ditugu pikoz

gaiñezka saskiak.

Mats-pork'ederrik bazun

maldan mastegiak!

 

Ogi zuri ta'ona

etxeko labian

erretzen da astero

jateko pakian.

Ari gindezke danok

gogotik lanian.

Berekiñ dakar lanak

ordaiña gaiñian.

 

Gero negua dator;

egun beltz, illunak.

Laxter negarrez zeruk,

len garbi urdiñak.

Arrats agitz luziak;

egun desberdiñak,

arrats ordu paketsu

lotan atsegiñak.

 

Sendi bikaiña maian

exeri danian,

goruntz jaso begiak

itxaropenian,

ta esker onak eman ta

Jaunen izenian,

au bai dala zerua

lurraren gaiñian!

 

Udara itzaltzian, Uda Azkenak

Lixatzen ditu aiziak,

Egua dala ta indar gabia

dauzka bere mesediak.

Arroxkatuta atera ezkero,

izugarrizko kaltiak.

Zure eskuak ederki daki

erabilten ongi aski

aizia, sua ta ur guztiak

diranak neurriz ongarri.

Andik aurrera bildurgarriya,

dira oso kaltegarri.

Zure eskutik iges ezkeroz...

danok gera errukarri.

 



Literatur Aldizkarien Gordailua Susa argitaletxearen egitasmoa da.