L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1959 III (1959-uztaila/iraila) —Hurrengo artikulua




 

 

Utsa

 

Ayalde

 

(Jorge de Oteiza'ri)

 

Munduz mundu ibilli ondoren

aingura bota duk azkenik emen,

Uranzu-lrun'en,

Oteiza lagun, anaia,

Erti-aintzindari sutsua.

 

Eta Frantzi'rako Avenida'n

eraikitako etxean

lantzen ari aiz orain.

Or labratzen duk aidea,

Utsa'ri itxura emanik

arri eta burni tartean.

 

        Ire gogoa

ez zaik kabitzen barnean,

irten bai zaik begitik,

illetik, eskutik, larrutik,

ta batez ere aotik

mintza ari aizenean.

 

        Oteiza'ren soiña

kalez kale dabillenean

—arno biziaz suspertzeko—

Oteiza-gogoa

lantegian gelditzen da,

arri baten utsunean

kokaturik,

atseden artzen pakean,

Ixillaren doiñu eta

Utsa'ren musika aditzean.

 

        Euskel-sustraia!

Erri onem mamia non dago?

Auxe duk nere ustez:

ez cronlech ez dolmenetan,

ez arri koxkor zarretan...

Itxaso bazter-etxetan

ta mendi-baserrietan,

oraindik bizirik baiñan

Uts sakon illunpetara

estaltzera dijoakigun

izkuntz gurean...

 

Mendi-mendian otea,

botoi oriaz betea.

Jorge de Oteiza, i aiz

ola-gizonen semea.

Ire mailluak ordea

—irudimenezko maillo orrek—

ez tiriki-taukirik

Utsa moldatzeko joak

ezpaitute soiñurik...

biotzarentzat baizik...

 



Literatur Aldizkarien Gordailua Susa argitaletxearen egitasmoa da.