L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1959 III (1959-uztaila/iraila) —Hurrengo artikulua




 

 

Barteko ametsa

 

A. Machado

euskeratzailea: Gabriel Aresti

 

Bart, lotan, amets egin nun,

—goza amets ederrean—

iturri bat daritela ene bihotz barnean.

Ots: nundiko erretenez

zatoz, oi ur! nigana,

bizi berriko iturria,

nik edan ez dudana?

 

Bart, lotan, amets egin nun,

—goza amets ederrean—

erlauntz joria neukala

ene bibotz barnean.

Erleak osatzen zuten

—hori baita egia—

leengo mingostasunekin

ezti ta argizagia.

 

Bart, lotan, amets egin nun,

—goza amets ederrean—

eguzki bat zeriola

ene bibotz barnean.

Eguzkia zen, benetan,

ematen zuelako

supazterrean beroa,

gu argituz osoro.

 

Bart, lotan, amets egin nun,

—goza amets ederrean—

Jaungoikoa zegoela

ene bibotz barnean.

 



Literatur Aldizkarien Gordailua Susa argitaletxearen egitasmoa da.