L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1960 II (1960-apirila/ekaina) —Hurrengo artikulua




 

 

Oroiz

 

Deunoro

 

(Ene egiaxko adiskide, Joxe Mari zanari)

 

Alai nintzan, ta... batez,

   —au barri ituna!—

ludia agurtuz, egan

   ene laguna.

 

Atzerri otseintzan

   kide egin nintzan:

ausi ezin dan maitetasuna,

   egizko adiskidetasuna.

 

   Zure zan nirea,

   nire zan zurea,

bat zan —soin-gogo— gure egarria

Nunditakoa ezaupidea?...

Aspil baten zan janaria.

Mendigoizale amorratuak,

Musa ixillakin maite-minduak:

barren oiartzun egotan,

tontor jasoak oinpetan

genduzala domeketan.

 

Jasankor dan lez ludi-aldia

garaiz besarka gendun sendia.

   Geroztik ixil giñian,

   bakoitza bere bidian,

   alkar oroika bizian.

 

Ta alai nintzala... batez,

   —au barri ituna!—

ludia agurtuz, egan

   ene laguna.

 

1960-11-11

 



Literatur Aldizkarien Gordailua Susa argitaletxearen egitasmoa da.