L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1960 II (1960-apirila/ekaina) —Hurrengo artikulua




 

 

Maitasunaren azkena

 

Enbeita'tar Balendin

 

Maitasunaren indarra zer dan

bear dan lez azaltzeko

gizonak daukan argia ez da

naikoa orretarako.

Maitasunaren azkena, baiña,

zelan dot nik azalduko?

Nire biotzak maitasun bako

unerikan ez ba'dauko?

 

Maitasunaren azkena zer dan,

azalduteko dirauste,

agindu ori ez dakit ondo

egingo dodanik bete.

Lurreko gure maitasuna ta

goikoai begiratute,

uste bagian geratu leike

maitasun biak galdute.

 

Alkarraz pozez bizi diranak

badauke maitetasuna,

bikoitz orretan ikusten dogu

bakia ta zoriona;

bizitza dongez galtzen badabe

Goikoan itxaropena...

Lortu ete dabe goi eta beko

maitasunaren azkena?

 

Maitasunaren azkena zer dan?

Nai ta nai ez da mingotza.

Maitasun barik ezin jaritxi

Goi-eskarrezko laguntza.

Maitasunetik yatorku geure

betiko zorun bizitza.

Maitasunaren azkena zer dan?

Il da dagoan biotza.

 



Literatur Aldizkarien Gordailua Susa argitaletxearen egitasmoa da.