L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1960 II (1960-apirila/ekaina) —Hurrengo artikulua




 

 

Gizonaren fedea

 

Aldana

 

Jaio ezkero il egin bear,

au gizonen zoritxarra:

ume aroan, gazte denporan

ta zartzaroan negarra.

Bere bizitza iluna da-ta

billatzen dabil izarra,

bere gogoa argi dakion

emonaz bere indarra.

 

Jakintsu asko gaur emen dira

asmatzen zer dan mundua:

berez egiña, zelan jaioa

edo nork sortutakoa.

Euren lanetan, alde batera

isten dabe Jaungoikua,

ta esaten dabe: tximinoia da

gizonen bizi-burua.

 

Gizonarentzat gauza aundia

jakituna izatea,

askoz obea Jaungoikoagan

fede sendoa eukitea,

Bera dalako gauza guztien

Jabe, Jaun ta Egillea;

jakin guztia, Bera utzirik,

da illuneko gerizpea.

 

Amaika urte nitualarik

prailletara joan nintzan ni,

baita ikasi ondo ederto

gauzak ikusten poliki

gizonak bere barruan daukan

fedea daula agiri,

estu une baten aurki ezkero

otoi egiñaz Jaunari.

 



Literatur Aldizkarien Gordailua Susa argitaletxearen egitasmoa da.