Erio gogor

E. Igartza

Egunero or degu

Eriotza aurrean;

Uretan batek arki,

Besteak oiean.

Urtetsuak il bear,

Gaztea il deike...

Eriotz negargarria

Guztion kerizpe.

Zergatik aiz gaizkiña,

Eriotz gogorra?

Zergatik daramazkik

Umetxoa ta zarra?

Ire sega zorrotza

Utzi zak, bai, utzi!

Umezurtz ta alargunen

Malkoei orruki!

Nere itzei par dagiek?

Ez al duk ikusten

Ludi osoak nola

Ire bildur duen?

Ezurrak bezin gogor

Duk ire biotza,

Baiñan laister lurrean

Ire erregetza.

Laister, bai, oso laister,

Bizi oro il da...

I ere ilko, Erio.

Gero... bizi dena!!