L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1960 IV (1960-urria/abendua) —Hurrengo artikulua




 

 

Eriotza

 

Jautarkol

 

Eriotza, bizitzaren

Maixu jakintsua,

munduko Nagusi zarra,

Errege altsua...!

 

Begirunez kenduaz gaur

burutik txapela,

ezautzen ta agurtzen zaitut

nere Jaun bezela.

 

Zure segaren dirdirak

argitzen du lurra,

biotz guzitan piztuaz

kezka ta bildurra.

 

Jaungoikoaren urren Zu

munduko Jabea,

batzuntzat Jauntxo gogorra,

bestentzat maitea.

 

Goiko Jaunaren morroia,

besterik ez zera

Berak agintzean zatoz,

lapurran antzera.

 

Jesus maitea, nigana

etortzen danean,

ikusi zaitzadala, arren,

Zu, aldamenean,

 

Ez det merezi, Jaun ona,

nik mesede ori:

nere biotza osoa,

ordez, Jesus, tori.

 

Niganako zure Erruki

aundia, benetan,

Zure aintzaz, gorapenez

beti Zeruetan,

kanta dezaizudan, Jesus,

maite-bertsoetan.

 



Literatur Aldizkarien Gordailua Susa argitaletxearen egitasmoa da.