Itxas-abestia

Gaztañaga'tar Jexus

I. Ugain burrukari

Igeldo... Mendi-lepo errira bidea...

Lepailluz eskubi ni... Zer itxas-egia!!

Bertan beean zital ari duk burruka:

Ari urdin-nabarrak, sarri, talka!... talka!!

Bakoitzean txit zuri aitzaren kaskoa

ariren buru-muñez... Arkaitz-par gozoa!!

Arkaitz-muturrik ez unetan talkari,

apar zuriz, aria legor-milizkari.

II. Itxaso nabar

Urre-ortzez eguzkik lañoeri ozka...

Zerua nabar... argi ta illun aldizka.

Itxasoren aundia ziñez zegok nabar

goi-nabarraren isla. Uso neurge bakar

zirudik: begi-indarrez aruztik burua...

(Ludi'ren borobillez) zeukak amildua.

Gu aldean —mendi-arte!— isats luma-zuri.

Zabal, ezker-eskubi egoak txit geldi.

III. Atsegin-kilimaz

Usotzar aundi onen ederra bai eder!

Neguz sagasti soillak lez auts-erre margo...

Baita, urdin... ori... ta urren, gorrixtago...

Atsegiñ-kilimaz doi-doi enindukan ler!!

Neurgean —nini txuri!— egaka bi kaio,

itxaso illunean are zuriago...

IV

Adi-naimenak Jainko'ganako joera...

Edergille Berak ni ekar bai izanera.

Itxasgille, ni Zu'gan... kaio itxasoan.

Eder-neurge Orren'gan nabilzu egoan!!