Auzo pestak

Joakin Aldabe

Agur, Udara, bazuaz aurtengoz;

laxter zera itzalia.

Zeru urdiña argi ziñana

zaude odeiz estalia.

Uda azkena, zabal atia

dezu oraiñ idekia.

Ballada-auzoko besta pixarrak

oraiñ bukatuko dira.

Badaude oraindik ale-aliak

beren egunen begira.

Mikel Aingertu ta bertze batzuk

uste degunez badira.

Bezperatikan illunabarren

kanpai soñu, kale jira.

Osaba-izebak urtero-urtero

etortzen dira eztira,

tximinitatxok bezel-bezela

erretzen ditun argira.

Jaia egunez goiz erdi orduan,

guazen meza nagusira,

kanta ederrak, sermoi obia

atenziyoz aditzera.

Gero bazkaltze ordu bitarten,

arat ta onat txurrutera.

Otordu orduak dira onenak,

onela askotxo balira!

Begi ernia ta ortz zorrotzak

dijuaz jaki aragira.

Danak dakite ongi bidia

Naparro ardo zagira.

Ase ondoren, gazte guztiak

egun argiz enparantzan,

saltu ta brinko, ariñ-ariñak

asiko zaizkigu dantzan.

Galtzen dijua oitura ona,

auxen bakarra len bazan!

Azken kondarrak zupatu ondoren

bakoitza beren kabira.

Lanari ekingo zaio gogotik;

biamunetik mendira.

Auzoko pesta aiñ pozgarriak,

ai! sarriago balira!