L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1961 III (1961-uztaila/iraila) —Hurrengo artikulua




 

 

Zillar-eztai

 

Loidi'tar Paben

 

Oitabosi urte joan dira zure

Meza Berritik onuntza;

Jaunari esker emateko gaur

ba-dezu gure laguntza.

Abestutzeko nere mingaiña

egonagatik kamotza,

guztientzako eskerrik asko

esanaz daukat biotza.

 

Amaika leku zoragarriak

osatzen du Euskalerri,

oietako bat atsegiña da

Epeleko Etxeberri.

Jai eder auxe ospatutzeko

onera gaituzte ekarri.

Nun da oberik asetutzeko

gure gose ta egarri?

 

Lagun jatorrak alkartu gera,

jai auxe dala meriyo...

alde batetik zillar-eztaiak,

bestetik matrimoniyo.

Jaungoikoaren graziarekin

gizarteak du baliyo;

Naparro, Bizkai, Gipuzkoa'kin

Igeldo eta Oriyo.

 

Pastelarekin txanpaiña degu

bazkaldarren atsegiña,

Kana'ko eztai artan Jesus'ek

uretik ardo egiña.

Txaloarekin artu dezagun

zeruko edari fiña...

Dudarik gabe poztu nai du gaur

Jesus'ek Amabirjiña.

 

Baserritikan Seminaiora

mutikotxo bat dijua,

ari sotana josteko gaur nik

egin nai det erregua.

Limosnarekin alkar-maiteaz

irabazten da zerua.

Pesta txiki bat emanaz orain

luzatu danok eskua.

 



Literatur Aldizkarien Gordailua Susa argitaletxearen egitasmoa da.