L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1962 I-II Zortzikote (1962-urtarrila/ekaina) —Hurrengo artikulua




 

 

Erlea

 

Lekuona'tar Juan Mari

 

(Pedro Berrondo

Errios'etan den oiartzuar apaizari).

 

 

I

 

Lorerik lore, eztia gorde,

Eztena dantza, begia gose,

Erlea: gozaketan abil.

Egalak pizkor,

Ezpata gogor...

Margozko ostroak begiz jotzean

Irea egin emen eta or.

Ezin ase,

Erle.

 

Ez dek ezerre utzi lorean;

An zegok lengo bakardadean.

Erlea: igesika abil.

Nun dek bizia,

Lore berria?

Magal multsoan zer utzi diok?

..............................................

Gizon askoren erlekeria

Gaur berdintsu:

Antzu.

 

 

II

Kristo'ren izena

 

Kristo'ren izena

Idatzirik dago

Zuen biotzetan...

 

(Eliz-lekaimeak

Argiago

Itsas garbiaren

Isla baiño.

Txuriago

Iturburuaren

Txinta baiño.

Garbiago... )

 

Erori zerate beltzen eskuetan

Esku profanleak gorputz-soin-gunetan.

Mindun.

Indarrean,

Gogorrean

Rizia erraietan.

Aurdun!

 

Kristo'ren izena

Idatzirik dago

Zuen biotzetan!

 

 

III

Barka dik arek

 

Izarra utzi dek

Oiñazetan, itun, pentsati.

Berdin aiz i beti

Irea, irea,

Au dek legea,

Goza-bearrezko ezin asea...

Mingotza ziken ire laztanak;

Beste amets bat egin zuanak

Min dik orain.

Samin mingotza,

Gazi biotza,

Indarkerien labain zorrotza...

Bizi berriak mozten abillen

Aker okerra,

Oker akerra,

Jarri dek orain negar ederra!

.................................

 

Barka dik arek...

Maite-eza maita bear,

Irekoikeria

Ez-egintzat ar,

Zer egin dekan ez dakik eta.

 

(Basurdeak

Iturria urratzean;

Tximistak aritzari

Biotza lertzean,

Zer zekik?)

 

Ire laztanaren errea

Arros berriaren ezpaiña dek

Barka dikanarentzat!

 

 

IV

Maite-berritan

 

Maite-berritan abil

Denbora joanean...

Negu gorriko ego, aizea,

Negu gorriko ostro ezea,

Negu gorriko egun luzea...

Ametsa!

Sen itsuaren frutu gaitzetsa.

 

Maite-berritan abil

Denbora joanean...

Indartsu daukak bere lillura,

Ta mait'eziñak duan estura.

Iretzat zegok: etsia, eskura...

T'ezetza!

Biotz-aditzez konpreni gaitza.

(Orroa dagik.

Ez dek iretzat.

Ezetz bear dik.

Etsipen ezak!)

 

Maite-berritan abil

Denbora joanean...

Ikus araz dik ik ba-dekala

Maite bidetan taju, ezpala...

Urrun adi.

Ezin dek... Baiñan zar-berritzeko

Ba-dek argi.

Lenago ukan sustrai zarrean

Bizi berri!

 

 

V

Bera zan!

 

Arrats.

Bakardadean,

Neregan biltzean,

Argia nai nuke;

Itsasoari so

Nago argi eske...

 

Arrats.

Bakardadean,

Neregan biltzean,

Dana zait zalantza;

Ontzi kolokari

Nere esperantza...

 

Arrats.

Bakardadean,

Neregan biltzean,

Gizon suma nauzu,

—Ezin-etsi estu—,

Amorruz naukazu...

 

Arrats.

Bakardadean,

Neregan biltzean,

Beste baten billa,

Abots bat entzun det

Kontsola nadilla...

Bera zan!

 



Literatur Aldizkarien Gordailua Susa argitaletxearen egitasmoa da.