Amesen laztana

Aurraitz

(Neuk dakidan batentzat)

Ene neska kirru-luzenga,

bedatsen pozkida txau ori!

Mintzul landak euri begira;

mutillen gentza ixilla urduri.

Ire begien oztiñean

geziak dozan zapartarik.

Ez-edo baiña, Kupidu'ren

uztaiak ni istateko indarrik.

Aratza daukan bekokia;

maitasun-taupadaz bularra.

Ik lako soiñik ez urtzemek:

txit erazkoa ire izakera.

Baiña itxaropen bako maite

suz austu-tamalpe gera zan

nire gurarien txingarra:

izotza orain biotzean.

Nire barna lurmentzea, ire

itzen beroak, ba-daiteke.

Txingar au ordun, maite-aizek,

su itzalgatx biurtuko leuke.

Eun atsegin dozan ganezka,

amesen laztan garbi orrek!

Atsegin orrein lokarriaz

lotu nendaike Zorion'ek.