Amona maitiari

I. Olabeaga

Gauza pollit-pollitak,

ipiñi zitun munduan,

gure Jaun kupitsuak!

Aingeru garbik zeruan;

Lurrian aur bikañak.

Baiña dan-danen artian,

gure amama ona,

seme, billoben erdian.

       Emen nai nuke

       gaurko egun ontan,

       Jauna goratu.

       Gure biotzen

       esker on-ona

       zintzo agertu.

Arrate'ko zelaian,

eibartar danok degu,

elizaren aldarian,

Amatxo diztiratsu.

Beraren mantupian,

urtiak pasa dituzu

Amama, lan-nekian

ben-benetan zoriontsu.

       Birjin txit ona,

       ikus zaiguzu

       otoi-eskian.

       Gorde Amona

       sendo, indartsu,

       poz ugarian.

Semeen biotzetan

ondo erein zenduen

fedea ta euskera.

Biak biziki maitatzen,

ekaitz gogor artian,

burrukak egin zituzten.

Ara emen gaur danok

zuri pozik inguratzen.

       Jesus laztan,

       estalpe otzan

       jaio zerana!

       Urte askotan

       maite ditzagun,

       Aiton-Amama.