Len, nere maitea...

Satarka

Gazte giñanean bai zu ta bai ni,

Maite genun alkar gozo-eztiki.

Orduan guk miñik ez, atsegiñez

        Ederki.

Ordu eder, onak, ta beti pozik,

Ez genun pentzatzen geroko gauzik

Gu bion biotzak dar-darka alkarri,

        Samurki.

Ta gero... etorri ziran samiñak.

Alde egin bear ta... nai ta eziñak.

Agur eta musu, gure begiak

        Bustiak.

Joan ziñan, joan, nigandik urrun...

Geroztik neretzat goizak beti illun

Bai-dala garratza ikus eziña...

        Au miña!

Badakit bai, bizi zerala ongi,

Lekaidetxe ortan apal, maiteki,

Otoitz eta kantu Jaungoikoari,

        Biotz biotzetik

            Gugatik.

Len, nere maitea... gaur JAUNA-rena.

Lekaidetxe ortan zuk zoriona!

Baztertuz mundua... maitetasunez

        Begiratu gora,

            Zerura!

Argitan blei goiztu du gaur eguna.

Alaitu da nere biotz ituna!

Zerura arte agur... (Lore usaiduna),

        Lengo nere maite

            Kutuna!